Ötən həftə “Bərdə Peşə Liseyinin Modernləşməsi” layihəsinin idarəetmə komitəsinin növbəti iclası baş tutub. Peşə Təhsili üzrə Dövlət Agentliyinin Direktor müavini Elnur Nəsibov, Avropa Birliyinin Azərbaycan Nümayəndəliyinin Proqram rəhbəri Joana Varao və həmçinin layihənin yerli və xarici tərəfdaşları arasında yer alan Azərbaycan Respublikası Təhsil İnstitutunun Direktor müavini Anar Nağıyev, Azərbaycan Sahibkarlar Konfederasiyasının Baş Katibin müavini Fuad Hümbətov, Baş katib vəzifəsini icra edən Kristina Məmmədova, Jarvamaa Peşə Təhsil Mərkəzinin Rəhbəri Rein Oselin onlayn qaydada təşkil edilən görüşə qatılmışlar.

         Görüş zamanı layihə çərçivəsində görülən işlər, hazırda icrası davam edən və layihənin fəaliyyət planına uyğun olaraq həyata keçirilməsi planlaşdırılan işlər barəsində məlumat verilmiş, ünvanlanan suallar cavablandırılmışdır. Eyni zamanda, layihənin icrası ilə bağlı yaranan çətinlik və onların aradan qaldırılmasında irəli sürülə biləcək alternativlər müzakirə mövzusu olmuşdur.

         Qeyd edək ki, Avropa Birliyinin maliyyə dəstəyilə həyata keçirilən layihə Yerli İdarəetməyə Yardım İctimai Birliyi tərəfindən icra olunmaqdadır.