2019-2020-ci tədris ili üzrə peşə təhsili müəssisələrinə boş qalan yerlərə qəbulla bağlı  2-ci turun 28 avqust–5 sentyabr 2019-ci il tarixində həyata keçirilməsi nəzərdə tutulur.

            2-ci turla bağlı sənəd qəbulu “ASAN xidmət” mərkəzlərində, “ASAN xidmət” mərkəzlərinin fəaliyyət göstərmədiyi şəhər və rayonlar üzrə isə müvafiq peşə təhsili müəssisələrində ödənişsiz şəkildə və elektron qaydada həyata keçiriləcək.

            Qəbul şəhadətnamə və ya attestat əsasında müvafiq fənlərin orta balı nəzərə alınmaqla müsabiqə yolu ilə aparılacaq.

            Əlilliyi olan şəxslərin, həmçinin valideynlərini itirmiş və ya valideyn himayəsindən məhrum olmuş uşaqların peşə təhsili müəssisələrinə qəbulu müsabiqədənkənar aparılacaq.

            Boş qalan yerlər barədə məlumatın 28 avqust tarixində elan edilməsi nəzərdə tutulur.

            Sənəd qəbulu prosesinin 2-ci turu 1-ci turda iştirak etməyən şəxslər üçün də açıq hesab edilir.