“Gənclərin biznes emalatxanası” layihəsinin iştirakçılarına aktivlərin verilməsi mərhələsi başlayıb
Elm və Təhsil Nazirliyi yanında İşəgötürənlər üzrə Məşvərətçi Şuranın iclası keçirilib
Peşə təhsilini təmsil edən komandalar SAF 2022-də mükafat qazanıblar
Peşə təhsili üzrə “AzerGold” təqaüdünün qalibləri mükafatlandırılıb
Elm və təhsil nazirinin müavini İdris İsayev “WorldSkills Azerbaijan” komandası ilə görüşüb

Peşə təhsil müəssisələrinin müəllimləri üçün “Sahibkarlıq pedaqogikası və sahibkarlıq tədris modellərinin inkişafı” mövzusunda təlim həyata keçirilib

03.11.2021

      Peşə təhsil müəssisələrinin müəllimləri üçün “Sahibkarlıq pedaqogikası və sahibkarlıq tədris modellərinin inkişafı”  adlı 3  günlük təlim həyata keçirilib.

      1 - 3 noyabr tarixlərində  keçirilən təlim zamanı peşə təhsili sahəsində fəaliyyət göstərən 21 nəfər müəllim Rusiya universitetləri ilə birlikdə Sosial İnvestisiya Fondu tərəfindən sınaqdan keçirilmiş proqram əsasında sahibkarlıq fənninin tədrisinin müxtəlif metodlarını mənimsəyiblər.

      Təhsil sahəsində ixtisaslaşan “Education HUB” şirkəti tərəfindən keçirilən təlim proqramı Peşə Təhsili üzrə Dövlət Agentliyinin və BMT İnkişaf Proqramının Rusiya nümayəndəliyinin dəstəyilə reallaşıb.

      Təlim proqramında sahibkarlıq fənnində interaktiv metodların tətbiqi, sosial sahibkarlıq, hakatonların təşkili, sahibkarlıq layihələrinin icrası və inkişafı üçün HADI metodunun istifadəsi haqqında təqdimatlar edilib və qrup işləri hazırlanıb.

      Təlimdə iştirak edən müəllimlər əldə etdikləri yeni bilik və bacarıqları gələcəkdə tədris prosesində tətbiq edəcəklər. Rusiya Sosial İnvestisiya Fondunun tərəfdaşlığı ilə keçirilən təlimi uğurla başa vuran şəxslər sertifikatlarla təltif olunub.

1 / 14