“Gənclərin biznes emalatxanası” layihəsinin iştirakçılarına aktivlərin verilməsi mərhələsi başlayıb
Elm və Təhsil Nazirliyi yanında İşəgötürənlər üzrə Məşvərətçi Şuranın iclası keçirilib
Peşə təhsilini təmsil edən komandalar SAF 2022-də mükafat qazanıblar
Peşə təhsili üzrə “AzerGold” təqaüdünün qalibləri mükafatlandırılıb
Elm və təhsil nazirinin müavini İdris İsayev “WorldSkills Azerbaijan” komandası ilə görüşüb

“İşəgötürənlərlə birgə çalışan işçilər üçün ixtisasartırma və kadr hazırlığı təlimlərinin təşkili” layihəsi çərçivəsində “Avtomobil” istiqaməti üzrə təlimlər keçirilir

28.10.2021

       Peşə Təhsili üzrə Dövlət Agentliyi tərəfindən “İşəgötürənlərlə birgə çalışan işçilər üçün ixtisasartırma və kadr hazırlığı təlimlərinin təşkili” layihəsi uğurla davam edir.

     Layihə çərçivəsində növbəti təlimlər “Avtomobil” istiqaməti üzrə “Performance center” Zərdabi satış və servis mərkəzində işəgötürənin təlimçisi tərəfindən praktiki məşğələlər formatında keçirilir. Həftə boyunca davam edəcək təlimdə Bakı, Sumqayıt, Bərdə, Göyçay, Şəmkir, Saatlı, Cəlilabad şəhərlərində fəaliyyət göstərən 18 nəfər peşə təhsil müəsissələrinin müəllim və istehsalat təlimi ustaları iştirakı edir.

     Növbəti həftələrdə sənətkarlıq, turizm və tikinti sahələrində təlimlərin keçirilməsi nəzərdə tutulub.

     Layihənin məqsədi beynəlxalq təcrübə əsasında iş yerlərində təlim, stajkeçmə mexanizminin yaradılması və fərqli iqtisadi sahələr üzrə fəaliyyət göstərən işəgötürən müəssisələrdə peşə təhsili sahəsində çalışan mühəndis-pedaqoji heyətin ixtisasartırma təlimini həyata keçirməkdir.

     Hər bir işəgötürən müəssisə tərəfindən layihə boyunca təlimi həyata keçirən bir və ya bir neçə əməkdaşın təyin olunması və əlaqələndirici şəxs qismində çıxış etməsi məqsədəuyğun hesab edilir. Sözügedən layihə Bakı şəhərindən 100, regionlardan 70 müəllimin, həmçinin yeni təyinat alan yüksək texniki peşə təhsili səviyyəsi üzrə tədris aparan 30 müəllimin cəlb edilməsini hədəfləyir.

      Qeyd edək ki, layihə üzrə ilk təlimlər 27 sentyabr – 1 oktyabr 2021-ci il tarixlərində iki ixtisas – “Bərbər” və “Ərzaq və qeyri ərzaq malların satıcısı” ixtisasları üzrə həyata keçirilib.

1 / 14