Peşə təhsili üzrə “AzerGold” təqaüdünün qalibləri mükafatlandırılıb
Elm və təhsil nazirinin müavini İdris İsayev “WorldSkills Azerbaijan” komandası ilə görüşüb
Peşə təhsil müəssisələrinin müəllim-pedaqoji heyəti üçün Türkiyə Respublikasına təlim səfəri təşkil olunub
80-dən çox peşə təhsili alan tələbə duala bənzər proqrama cəlb edilib
Peşə Təhsili üzrə Dövlət Agentliyi Peşə təhsil müəssisələrində “Akademik məsləhətçi (tyutor)” vakansiyası elan edir.

Peşə təhsili müəssisələrinə sənəd qəbulu ilə bağlı statistika

07.08.2019

          Peşə təhsili müəssisələrinə sənəd qəbulu avqust ayının 5-dən etibarən açıq elan edilib. Üçüncü günün statistik məlumatlarına əsasən 3311-dən artıq vətəndaş müraciəti qeydə alınıb. Müraciət edənlər arasında ən çox üstünlük verilən aşpaz, dərzi, heyvandarlıq mütəxəssisi, aqroservis mütəxəssisi və turizm təşkilatçısı ixtisaslarıdır.

          Qeyd edək ki, peşə təhsili müəssisələrinə qəbul şəhadətnamə və ya attestat əsasında müvafiq fənlərin orta balı nəzərə alınmaqla müsabiqə yolu ilə həyata keçirilir. Sənəd qəbulu ASAN xidmət mərkəzlərində, “ASAN xidmət” mərkəzlərinin fəaliyyət göstərmədiyi şəhər və rayonlar üzrə isə müvafiq peşə təhsili müəssisələrində ödənişsiz şəkildə və elektron qaydada həyata keçirilir.

           Əlilliyi olan şəxslərin, həmçinin valideynlərini itirmiş və ya valideyn himayəsindən məhrum olmuş uşaqların peşə təhsili müəssisələrinə qəbulu müsabiqədənkənar aparılır.

          Qeyd edək ki, sənəd qəbulu prosesinin avqust ayının 20-dək davam etməsi və nəticələrin 21 avqust 2019-cu il tarixində elan olunması nəzərdə tutulub.

1 / 14